ᐊᒪᐅᑎ ᐃᓄᓐᓄᑦ ᓯᕗᓕᕐᑕᐅᓱᓂ ᐅᐃᒪᓇᕐᓯᔪᒃᑰᑐᓄᑦ ᐃᓂᒋᔭᐅᒍᓐᓇᑐᖅ ᒪᓐᑐᕆᐊᒥ ᐊᑦᑕᓇᖕᖏᑑᑦᓱᓂ ᐃᑲᔪᕐᓯᒪᔭᐅᕕᒃ ᐃᓄᓐᓄᑦ ᐊᕐᓇᓄᑦ ᕿᑐᕐᖓᖏᓐᓄᓗ ᐊᑦᑕᓇᖕᖏᑐᒨᕈᒪᔪᓄᑦ ᐃᓚᒌᑎᒍᑦ ᐱᓗᑲᐅᑎᓂᕐᒥᒃ ᕿᒫᓗᑎᒃ
ᐃᓄᐃᑦ ᐊᕐᓀᑦ ᕿᑐᕐᖓᖏᓪᓗ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒌᓐᓂᖓᓄᑦ (JBNQA) ᐃᓚᐅᒍᑎᓖᑦ ᓯᕗᓪᓕᐸᐅᑦᔭᐅᖃᑦᑕᓂᐊᕐᑐᑦ ᐊᒪᐅᑎᒥ ᐱᒍᑦᔭᐅᒍᓐᓇᓗᑎᒃ ᕿᒫᑐᐊᕈᑎᒃ ᐊᓂᕐᕋᒥ ᐃᓚᒌᑎᒍᑦ ᐱᓗᑲᓐᓂᐅᔪᒥᒃ, ᐅᕐᓕᑐᕐᑕᐅᓂᕐᒥᒃ, ᐊᐅᓚᓂᕐᓗᑕᐅᓂᕐᒥᒃ ᐸᕝᕕᓴᓗᑲᑦᑕᐅᓂᕐᒥᓗ. ᐊᓯᖏᑦ ᐃᓄᐃᑦ ᐊᕐᓀᑦ ᓄᓇᖃᕐᖄᓯᒪᔪᐃᓪᓗ ᐃᓂᖃᕐᑎᑕᐅᒍᓐᓇᒥᔪᑦ, ᐊᑐᐃᓐᓇᖃᑐᐊᕐᐸᑦ.
ᐊᕐᓀᑦ ᐅᑭᐅᖏᑦ ᐃᑉᐱᒋᖕᖏᓗᒋᑦ ᐃᓂᖃᕐᑎᑕᐅᒍᓐᓇᑐᑦ. ᐱᐊᕃᑦ 18-ᓄᑦ ᐅᑭᐅᓖᑦ ᑲᒪᔨᒥᓂᒃ ᒪᓕᒍᓐᓇᑐᐃᑦ. ᓱᕈᓰᑦ 14-ᓂᒃ ᐅᑭᐅᓕᓐᓂᑦ ᐊᖓᔪᑦᓰᑦ ᖃᐅᔨᒐᓱᐊᕐᑕᐅᖃᑦᑕᓂᐊᕐᑐᑦ ᐃᓂᑖᕋᓱᐊᕐᓂᑕᖃᓕᕐᐸᑦ.
ᓇᔪᕐᑎᖃᕈᕕᑦ ᓯᑯᑦᓴᔭᖁᑎᑎᓐᓂᒃ ᑭᓇᐅᓂᕐᓂᓗ ᓇᓗᓀᒃᑯᑕᓂᒃ, ᓇᑦᓴᕆᐊᓕᑎᑦ. ᐱᑕᖃᖕᖏᑲᓗᐊᕐᐸᑕ ᑲᒪᒍᓐᓇᓚᖓᔪᒍᑦ.
ᐊᑯᓃᕐᓂᕆᒐᔭᕐᑌᑦ ᐃᓕᖓᔪᖅ ᐊᑐᓂ ᐃᓅᑉ ᖃᓄᐃᓕᖓᓂᖓᓄᑦ ᑭᖕᖒᒪᑦᓯᓂᖓᓄᓪᓗ. ᐱᖓᓱᓂᒃ ᑕᕐᕿᓂᒃ ᐃᓂᖃᕐᑎᑕᐅᕕᖃᕈᓐᓇᑐᖅ, ᑭᓯᐊᓂ ᐊᒪᐅᑎᒦᑦᑐᑦ ᐅᐃᒪᓵᕐᑕᐅᖃᑦᑕᓂᐊᖕᖏᑐᖅ ᐊᓂᑎᑕᐅᓚᖓᒐᑎᓪᓗ ᐊᑦᑕᓇᖕᖏᑐᑦᓯᐊᒥᒃ ᐃᓂᑦᓴᑖᖕᖏᓂᓕᒫᖏᓐᓂ.
ᐊᑦᑕᓇᖕᖏᑐᓂᑦ ᐃᓂᖃᕐᑎᓯᓂᐅᑉ ᐅᖓᑖᒍᑦ, ᐱᒍᑦᔨᓂᖃᕐᑐᒍᑦ ᐋᓐᓂᐊᓂᓕᕆᓂᕐᒧᐊᖓᔪᓂᒃ ᐃᓄᓕᕆᓂᕐᒨᐊᖓᔪᓂᓪᓗ, ᐃᓚᖃᕐᑎᓗᒋᑦ ᐃᒻᒥᒎᓇᕐᑎᑐᑎᒍᑦ ᐃᓱᐊᕐᓴᑕᐅᓂᐅᔪᓂᒃ, ᐃᓪᓗᑖᕋᓱᐊᕐᓂᒧᑦ ᐱᒍᑦᔭᐅᓂᕐᒧᓗ ᐊᕐᖁᓯᐅᕐᑕᐅᓂᕐᓂᒃ, ᐅᓐᓂᑑᑦᔭᐅᓂᕐᒥᓗ ᐋᓐᓂᐊᓂᓕᕆᔨᓄᑦ, ᐱᖁᔭᓕᕆᔨᓄᑦ ᓄᓇᓕᒻᒥᓗ ᐃᑲᔪᕐᓯᕕᐅᒍᓐᓇᑐᓄᑦ, ᐊᓈᓇᐅᔪᑦ ᕿᑐᕐᖓᖏᓪᓗ ᐃᑲᔪᕐᓯᒪᔭᐅᒍᑎᖏᑦ, ᐃᓕᕐᕈᓯᕐᑎᒎᓕᖓᔪᑦ ᐱᓇᓱᐊᕈᑏᑦ, ᐊᑐᑎᖃᓪᓚᕆᑦᑐᓂᓪᓗ ᐃᑲᔪᕐᓯᒪᒍᓰᑦ.
ᐊᒪᐅᑎ ᓄᓇᓕᒻᒥᐅᑎᒍᕐᑐᒥᒃ ᐱᒍᑦᔨᔨᐅᕗᖅ ᐊᑭᖃᖕᖏᑐᒥᒃ ᐃᓄᓐᓄᑦ ᐊᕐᓇᓄᑦ ᕿᑐᕐᖓᖏᓐᓄᓗ.
ᐊᒪᐅᑎᓕᐊᕈᕕᑦ, ᐱᓇᓱᑦᑎᕗᑦ ᑐᖕᖓᓱᑦᑎᓯᓚᖓᔪᑦ ᐃᓕᓐᓂᒃ. ᐃᑲᔪᕐᓯᓴᐅᑎᒋᓚᖓᔪᒍᑦ ᐊᑦᑕᓇᖕᖏᑐᒦᖁᓪᓗᑎᑦ, ᓂᕿᖃᕐᑎᑕᐅᓗᑎᑦ, ᐊᓐᓄᕌᖃᕐᑎᑕᐅᓗᑎᑦ ᓄᓪᓚᖓᑦᓯᐊᑐᒦᑦᑎᑕᐅᓗᑎᓪᓗ, ᐃᑎᕈᑎᑦᓴᕆᓂᐊᕐᑕᑎᑦ ᑐᑭᓯᓴᕐᓂᐅᔪᓪᓗ ᐱᔭᕆᕐᑕᐅᒐᓱᕐᓂᖏᓐᓂ. ᐃᓪᓗᐊᕈᓯᕐᑖᑎᑕᐅᓕᕋᔭᕐᑐᑎᑦ ᖃᕆᐊᕐᑕᑎᑕᐅᓗᑎᑦ ᐸᕐᓇᐸᓕᐊᓂᐊᓕᕋᕕᑦ ᐊᑦᑕᓇᖕᖏᑐᒦᓐᓂᓴᕐᓂᒃ, ᐃᑲᔪᕐᓯᒪᔭᐅᒍᑎᖃᕐᓗᑎᑦ ᐃᓕᕐᕈᓯᑎᒎᓕᖓᔪᓂᒃ.
ᐅᖄᓚᓗᑎᑦ ᐅᕙᑦᑎᓄᑦ
1 (855) 988 – 0555
ᐊᒪᐅᑎ ᐊᓐᓄᕌᖃᑎᓯᓲᖅ ᐊᕐᓇᓂᒃ ᕿᑐᕐᖓᖏᓐᓂᓗ ᙯᑐᐊᕐᒪᑕ. ᓴᓗᒪᔪᓂᒃ, ᐊᑐᓕᓂᐅᓪᓗᐊᖏᑦᑐᓂᒃ ᖃᖓᓕᒫᒃᑯᑦ ᐊᑐᕐᑕᐅᒍᓐᓇᑐᓂᒃ ᓯᓚ ᒪᓕᓪᓗᒍ, ᐊᓕᐊᒐᔭᕐᐳᒍᑦ ᑐᓂᕐᕈᑎᓯᓐᓂᒃ ᐱᒍᑦᑕ.
ᑐᓂᔨᒍᒪᒍᕕᑦ, ᖃᕆᑕᐅᔭᒃᑯᑦ ᐊᓪᓚᕈᓐᓇᑐᑎᑦ ᐅᕗᖓ info@amauti.ca.
